La mia cara mula Grisona 
 
 
Compagna sui montagn tra i trincei de guera 
Per rifornì i barac dei noster soldà 
Le la mula con un caric dal venter in tera 
Senza un valà la sutava a rampegà. 
E’ si la “Grisona” con un bon Alpin 
La somontava tuscoss senza ripiegà 
se la trataven ben con la giunta d’un bon vin. 
 
 
Dii volt fin a fam comov 
Per l’insistenza tropa esagerada 
La obligavi a fermas e sugala prima de fala mov 
ghe disevi in una uregia una parolina delicada 
e allora  la se voltava a vardam con i so ogioni 
spegiandes jn de mè come un’ inamorada 
e in del fratemp un po de ripos ai noster garuni. 
 
 
Ma un brut dì el tac pum du cechin 
l’ha becada in pien la mia “Grisona” e la moeur! 
Però prima de spirà con un sguard de fa piang anca l’assasin 
la me indica con i occ quel che pussè ghe stava a coeur. 
Intant che mi con i occ umit e ammaregià dal destin 
ghe scavavi la fopa in una vegia trincera 
induè sincer lacrim burlaven giò insema a una Penna Nera! 
 
 
Alpino Ferdinando